print dit recepSjotse duvelskoffie

Benudigde tied: zoe veerdig.
Nudig veur 4 persoene:

  • 4 mäötsjes Sjotse whiskie

  • un kan sterreke koffie

  • potsókker

  • gewoene sókker

  • e kwaart liter slagrom

  • get kokowpoejer

  • 4 vuurvaste glazer

  • 4 desčrlepele

Klop de slagrom mčt get sókker stief.

Doeg in eder glaas unne flinke lepel potsókker.

Zčt de whiskie in e steelpenneke op hoeg vuur, totdat de whiskie begint te pruttele.

Noe gaw handele! Steek de whiskie in de pan in brand, lčt op de bovekeskes vaan de keuke en op de wasemkap! Verdeil de brannende whiskie euver de 4 glazer. Blös ut vuur in de glazer door koffie d'rop te sjötte. Reur eve good in de glazer.

Doeg noe op eder glaas une flinke kwak slagrom. Sjöt mčt e zeefke get kokowpoejer op de slagrom.

Drink ut zoe heit meugelik.

 SMAKELIK!
 

print dit recepSpaghetti mčt whiskie, koriander en geruikde zallem

Benudigde tied: 25 minute.
Nudig veur 4 persoene:

  • 500 gr spaghetti

  • 100 gr vergrummelde feta

  • 2 el oliefolie

  • 3 el veerse basilicum, fiengeknip

nudig veur de sajs:

  • 3 dl rňm

  • 1 ˝ dl whiskie

  • 125 gr geruikde zallem

  • zaajt en peper

  • 2 el veerse koriander of peterselie, fiengehak

Doeg de spaghetti en 1 eetlepel vaan de olie in ’n pan kokend water met zaajt. Kook de pasta “al dente”, sjöt aof en doeg trök in de pan met de res vaan de olie. Haw ut werrem.

Bring de rňm in ’n penneke tege de kook aon. Bring in ’n aander penneke de whiskie tege de kook aon. Hool de pennekes vaan ut vuur en reur de rňm en de whiskie doorein.

Snijj de zallem in smal reepkes, doeg ze in de rňmsajs en voog zwarte (cayenne)peper tow. Reur de veerse koriander vlak veur ut opdene dedoor.

Sjöp de spaghetti op ’n werrem sjotel, doeg de sajs d’reuver en reur dit met twie versjette good door. Streuj de feta d’reuver, garneer met koriander of peterselie en serveer direk.

 SMAKELIK!
 

print dit recepHuubs Andivie-ónderein

Wat geit d'rin (veur 4 eters):

  • 750 gram veerse andivie, in smal reepkes gesnoje

  • 2 kilo eerdappele

  • 1 groete roej paprika

  • 100 gram awwe kies

  • 50 gram blowwe kies (Gorgonzola of Roquefort, of aanders Danish Blue veur diegenige die hijj neet zoe vaan hawwe)

  • E pekske spekblökskes

  • E glaas mčllek

  • zaajt - peper - neutmesjaot

  • unne flinke steek gooj boter

Sjčl de eerdappele en kook ze mčt get zaajt gaar.

Snij óndertösse de twie soorte kies in klein blökskes.

Bak de spekskes oet in un klein braojpan. Maak de paprika zuver en snij ze in blökskes. Bak de paprika mčt de spekskes es die bijnao oetgebakke zien.
Zčt, es de eerdappele bijnao gaar zien de mčllek op, in e penneke.

Stamp de eerdappele mčt unne stamper tot puree. Doeg steeds get werrem mčllek debijj, totdat unne neet te pappetige puree ontsteit. Kruij dit mčt get (veersgemaole) peper en neutmesjaot.
Stamp noe, terwijl de pan op e hiel liech vuirke steit, de andivie door de puree. Zörreg tot ut ziech good vermink.
Stamp ouch de steek boter mčt.
Reur ut spekskes-paprika-mingsel dedoor.

Laot ut noe obbenuits evekes good doorwerreme. Lčt op tot ut neet aon de bojem vaan de pan geit plakke.

Pak noe de pan vaan ut vuur, en reur de blökskes kies dedoor. Doeg d'n dčksel trök op de pan en laot de kies evekes zach weure. Neet mie reure, want ut maag geine trekkies weure.

En noe mčt unne flinke kwak opdene. Un kortelčt of un braodweurs is hijj lekker bijj.

SMAKELIK!
 

print dit recep Spaghetti di Papa

Wat geit d'rin:

  • 1 pak spaghetti

  • halleve kilo gehak

  • 1 blikske temattepuree (Delmonte 140 gram)

  • 1 kilo tematte (maag get miejer zien)

  • 2 unne

  • 2 blökskes kruijeboeljon (Maggi)

  • 1 theelepelke sambal

  • 1 sjeutsje ketjap

  • 3 theelepelkes sókker

  • boter – zaajt - peper

Snij de unne doormidden en snij ze in dun, haaf ring, doeg unne klunter boter in 'n braojpan, laot daan de unne hijjin op ut kleinste pitsje mčt d'n dčksel d'rop fruite tot ze zach zien.

Ónderwijl kinne de tematte, in 4 stökker gesjnoje, in un depe sjotel gedoon weure. Doeg hijj de mčt de hand fiengewreve blökskes kruijeboeljon bijj, de sókker, de sambal en ut sjeutsje ketjap. Doeg ouch get peper en zaajt debijj.
Maak dit daan allemaol fien mčt unne staafmixer of unne blender.

Sjöt deze preddel bijj de óndertösse gefruitte unne en reur hijj daan de temattepuree good door. Laot alles op ut pitsje ± 40 minute pruttele mčt d'n dčksel d'rop en reur ut zoe noe en daan evekes.

Óndertösse ut gehak mčt get peper en zaajt in un pan losbakke.  Nao 40 minute ut gebroje gehak bijj de sajs doen. Laot de sajs nog zoe'n 20 minute doorpruttele, reur wel zoe noe en daan.

Kook de spaghetti volleges ut veursjrif op ut pak en opdene mčt de sajs.

SMAKELIK!
 

print dit recepHaggis

Gevölde sjaopemaog.

Haggis weurd tradisjoneel op Burn's night (25 jannewarie) op un sjotel de kamer ingedrage. Achter degene dee de sjotel dreug, löp unne Sjot mčt twie gekruusde flesse whiskie.... Tradisjoneler geit ut bijnao neet!

Wat geit d'rin:

  • eine sjaopemaog

  • e sjaopshart

  • un sjaopelever

  • 225 gr veers neervčt

  • drijjkwaart teske havervlokke

  • 3 unne, fien gesnoje

  • e theelepelke zaajt

  • e hallef theelepelke veers gemaole peper

  • e kwaart theelepelke cayennepeper

  • e hallef theelepelke neutmesjaot

  • drijjkwaart teske boeljon

Was de maog good, smeer 'm in mčt zaajt en speul 'm aof. Hool ut vlees en ut včt weg. Laot 'm e paar oor weike in kaajd gezaajte water. Dreij de maog binnesteboete veur de völling.

Doeg ut hart en de lever in un pan mčt väöl water. Laot ut koke, zčt daan ut vuur lieg en laot ut e hallef eurke doorsuddere mčt d'n dčksel op de pan. Stökker daan ut hart en raspel de lever.

Ruuster de havervlokke in un braojpan, tot ze goudbroen zien.

Doeg alle ingredijinte doorein en völ de maog demčt tot 'r óngeveer veur twiederde vol is (havervlokke zčtte nog oet es ze koke).

Duij de loch oet de maog en maak 'm good tow. Doeg de maog in un pan mčt kokend water. Laot 'm drijj oor stčllekes koke, zónder d'n dčksel op de pan. Doeg steeds get water debijj um de maog ónder water te hawwe. Es de maog z'ch opblaos, steek daan mčt un versjčt get leukskes d'rin zoetot 'r neet opesjäört.

Serveer de haggis op un werrem sjotel mčt kuulderaap en erappele ónderein.

En es diene eige maog noe nog neet binnesteboete zit: SMAKELIK!
 

print dit recepDoedelzakstaof

Sjotse staofpot, langer es twie oor staove.

  • 750 gr runderlep

  • 2 unne

  • 1 lŕveleerblaad

  • 2 sjróffelsnegel

  • 60 gr boter

  • 2 kuulderabe of aander rabe

  • 1 bössel wörtelkes

  • 3 el(sjotse) whiskie

  • 4 el graove havermout

  • veersgemaole peper en zaajt

Snijj ut vleis in lang, dikke repe.
Sjčl de unne en snipper ze.
duij de sjróffelsnegel in de lŕveleerblajer.
Maak in de staofpan, op e röstig vuur heit, 40gr boter heit en bak ut vleis aon alle kante broen.
Beströj ut vleis mčt zaajt en peper en pak ut oet de pot.
Doeg es ut nudig is get nuij boter in de staofketel en bak de unnesnippers tot ze get miejer kleur höbbe.
Doeg het vleis weer trök in de ketel en voog 4 dl werrem water, peper en zaajt en de bestoke lŕveleerblaajer tow.
Bring alles aon ut koke en doeg d'n dčksel op de ketel.
Staof op e lieg väörke óngeveer 1 ˝ oor, zoenudig mčt unne vlamverdeiler.
Was ondertösse de greuntes.
Sjčl de rabe en snijj ze in blökskes.
Sjrap de wortele en snijj ze in stökskes.
Voog nao die ierste anderhallef oor staove de greuntes en de whiskie tow.
Kiek of nog genóg voch in de ketel zit en doeg aanders get kokend water debijj.
Staof noe stčllekes weijer, óngeveer drijj keteer.
Reur 20 minute veur ut ind vaan die drijj keteer de havermout dedoor en laot ut e bitteke binde.
Bring de Sjotse staofpot op smaak mčt zaajt en peper en hool de lŕveleerblajer d'roet.

SMAKELIK!
 

print dit recepDieAnnekes whiskie iesdraank (dessčr)

  • Blender

  • 6 vol eetlepels vaniele-ies

  • 4 el whiskie

  • 6 iesblökskes

  • 1 tas sterreke koffie

  • 3 zekskes vanielesókker

  • 2 el witte sókker

  • mčllek

Doeg ut ies, de whiskie, de iesblökskes, de koffie, de sókker en de vanielesókker in de blender en völ aon mčt mčllek.
Laot de blender dreije tot alles is opgelos.

SMAKELIK!
 

print dit recepWinterdrenkske

  • 2 ltr beer (pčls)

  • 2,5 dl whiskie

  • 125 gr sókker

  • 1 el neutmesjaot

  • 3 eier

Maak ut beer werren mčt de sókker en de neutmesjaot, mer ut maag neet koke.
Klop de eier los, doeg veurziechtig ut werrem browsel debijj en reur ut good.
Doeg daan de whiskie debijj.
Sjöt ut veur ut servere iers e paar kier vaan ut ei glaas in ut aander um unne sjoene sjoemkraag te kriege.

SMAKELIK!
 

print dit recepScotch broth

Sop mčt lamsvleis.

Wat geit d'rin:

  • óngeveer 35 gram gedruugde erte

  • 2 eetlepels gepčlde geers

  • drijjkwaart kilo lamskortelčtte

  • anderhalleve liter water

  • eine flinke spier poor

  • 400 gram kuulderaap

  • 'n flinke winterwortel

  • eine stengel bleiksčlderijj

  • 175 gram gesnoje witte kuul

  • gesnipperde peterselie

  • peper en zaajt

Doeg de erte in e bekske heit water en laot ze zeker 8 oor weike. Daan aofspeule en laote oetleke. Snitsel de kuulderaap in stökskes vaan 2 cm. Snijj de spier poor in de lengde door en snitsel 'm ouch in stökskes vaan 2 cm.

Doeg de erte, de geers en de kortelčtsjes in un groete pan mčt water, en bring aon de kook. Nao e paar menute koke de sjoem mčt un sjuimspaan vaan ut water aof sjöppe. Goej daan de poor en de kuulderaap debijj en laot ut op e lieg vörke stčllekes suddere.

Snitsel de sčlderijj in de lengde door en snitsel 'm in stökskes vaan 1 cm. Doeg dat ouch mčt de wortel. Goej dit bijj de sop en laot ut óngeveer un haaf oor doorsuddere zónder d'n dčksel op de pan.

Hool de kortelčtte oet de pan, snijj ut včt en de knook devaanaof en doeg ut vleis trök in de pan. Doeg de kuul debijj en laot nog evekes mčtkoke.

Bring de sop op smaak mčt zaajt en peper en goej nao ut opsjötte get peterselie euver d'n teleur.

SMAKELIK!
 

 

Menuke

Sjotse duvelskoffie

Spaghetti mčt whiskie

Andivie ónderein

Spaghetti di Papa

Haggis

Doedelzakstaof

Iesdraank

Winterdrenkske

Scotch broth

Nao bove