Picture: Glenrothes
De Glenrothes stokerijj.

Glen Rothes aka Glenrothes is unne Highlands malt vaan de Speyside oet Rothes.
 

Glenrothes waor de twiede stokerijj vaan de stad nao Glen Grant, klaorgekoume in 1878 e klein stökske weijerop ut glen boe 'r naor genump is. Ut waor un störremechtige nach in 1879 toen ut ierste stooksel oet de ketels koum, de zuiderstörrem waor in eder geval sterrek genóg um de Tay Bridge in de rivier te laote storte.

Glenrothes waor betrokke bijj de vörreming vaan Highland Distilleries, ein vaan de langs bestaonde whiskiebedrieve in Sjotland. Ude samewèrreking woort veur ut iers gevörremd in 1887 toen W. Grant and Company, eigenere vaan Glenrothes, de krachte bundelde mèt de Islay Distillery Company, eigenere vaan Bunnahabhain. Dees stokerijje zien tot op vendaog nog eigendom vaan Highland Distilleries.

Vaanaof ut begin vaan de vörreming vaan dees kompenei tot in de vreug 60er jaore woort d'r mer wienig verandert aon Glenrothes. In 1963 woort de stokerijj oetgebreid mèt ekstra ketelkapesiteit. Glenrothes is noe flink groet en heet vief paar ketels, boevaan de lèste towgevoog woorte in 1980.

Ut hoofdeil vaan de stokerijj geit in de Famous Grouse en Cutty Sark blends.
In 1922 braok unne groete brand oet in de veurraodruimtes vaan de stokerijj, en woorte 2.500 vate whiskie verrinneweert.

En zoe sprikste ut oet.

Kiek ouch ins op Glenrothes.