Dees sjósseteit is opgeriech in 2003, door un aontal vrun ónderein. Veer zien allemaol whiskieleefhöbbers en levensgeneters.

Veer zètte us unne kier of vijjf per jaor biejein um un aontal malts te preuve. Op zoe'ne aovend probere v'r unne whiskie of drijj te preuve. Op dees thoesbladzijj hawwe veer bijj wat die whiskie's mèt us gedoon höbbe, welleke indrök ze achter gelaote höbbe.
Op zoe'ne aovend drinke veer ouch water um de smaakpapille weer e bitteke tot rös te bringe. Tösse door ete v'r get hepkes die qua smaak bijj unne lekkere whiskie passe.
Die preuverijje hawwe v'r um beurte bijj eine vaan us thoes. De zows dus ouch kinne spreke vaan un Rotary Club.

Ein dingk is op eder preuverijj utzellefde: d'r weurt ziech get aof geawhoort!
Get al-daan-neet relevante personalia:
John en Huub kinne elkaar al vaanaof de lieger sjaol, al droonke ze toen nog neet zoe väöl. Oppe middelbaar sjaol (jaore zevetig) kaome daor Gilles en Luc bijj. Gedroonke woort toen al get miejer, al waor ut miestal geine malt.
In de jaore tachetig begóste v'r unne kaffee in de Koojstraot te frekwentere. V'r höbbe daor hiel get gefillesofeerd tot in de late, mer miestal tot in de vreug eurkes. En dat netuurlik oonder ut genot vaan un lekker drenkske.
Ut is in de jaore negetig tot veer begóste mèt ut biejein koume spesjaal um malt te drinke. Waarsjijnlik waor ut gewoen e smoesje um nog dèkser biejein te koume um get te drinke en te awhore.
Later heet Hans ziech ouch aongeslote en waore v'r mèt vief maan.

Mer v'r höbbe unne nuije mètdrinker: Ed. Kiek veural ouch in ziene fotoalbum...
Hijjneve vindt geer get fotokes vaan us zoetot geer us herkint es geer us op straot of in de kroeg tegekomp...
Wat v'r ouch hiel belangrijk vinde is tot de meziek is aongepas. Veer luustere op dees aovende ut liefste naor Tom Waits of unne aandere door ut leve geteikende arties.
Mestreechs
Hollands
Onder je voeten - Gedichten van Dianne Soeters